Makan Jelatang

Semalem, di Top9 News Metro TV, ado berita yang menurutku 'gilo'. Heh, sebenarnyo, tiap hari ado be gawe orang-orang di dunio ini yang idak masuk akal.
Kalu berito yang sikok ni, ado lomba makan jelatang, diadake di Inggris.
Laju teinget waktu KKN (kuliah kerja nyato niaaan), waktu itu sempet mengidentifikasi jelatang di kebon duren penduduk. Sempet-sempetnyo bekelakar, "bawak be pucuknyo yang maseh mudo.. Lemak dibikin tumis jelatang .." Enak be.
Nah, yang di England ini,pecaknyo jelatang jenis laen, soalnyo daunnyo lebih kecik. Mereka pun makannyo dak pake ditumis-tumis pake bawang segala, tapi langsung lahap mentah-mentah. Uji yang penyiarnyo, supayo efek jelatangnyo bekurang, caro makannyo ado trik khusus. Caronyo, daunnyo dilipet-lipet, baru dimakan. Jangan lupo sambil minum aer, supayo kelembapan mulut terjago. (tapi bukannyo kalu keno banyu makin hebat gatalnyo?) Nah, mak itulah caronyo.
Laju, mereka pado berani dak makan jelatang versi Muaro Duo, yang kesentuh dikit be gatalnyo dak ilang behari-hari..
Terlintas di pikiran, kenapo jugo dak dibikin kontes makan buah rengas? ..wekekekek..
Biar makin gilo...