Mak Mano, ye? JKT ULTAH!

Jakarta mak ini hari lagi ulang taon. Ke 480 tahun, wak. La tuo nian. Makin tuo makin dak keruan bentuknyo. Makin banyak manusio, makin sempit be. Dimano-mano uwong tu la yang kejingok.. (Namonyo jugo kota). Uji uwong tu di Jakarta banyak kesempatan. Kesempatan begawe, sekolah, belanjo, sampe hiburan. Pokoknyo galo-galo ado di sini. Itu yang jadi daya tarik. Di sisi lain, ketertarikan itu, bikin masalah kependudukan yang bikin pening palak. Dak pacak idak, uwong-unwung yang datang ke Jakarta dari berbagai macam suku, kebiasaan, ras, agama dan laennyo. Galonyo mesti pacak saling berinteraksi - berhubungan - satu samo laen. Sering nian terjadi benturan-benturan kepentingan, yang ujung-ujungnyo, kalu dak duit yang berperan, ya otot (alias bebala!). Sapo yang berkuasa, diolah yang menang. But, dak selalu cak itu,koq. Kadang-kadang memang ado anomali. Soalnyo, dak semua uwong di Jakarta ini hatinya pecak batu galo, banyak jugo yang punyo hati nurani. Kupikir prinsip gotong-royong dan keramah-tamahan khas Indonesia maseh melekat di tiap-tiap penduduk Jakarta.
Gaya hidup di Jakarta yang banyak nian tekanan, pecak bikin manusio-manusionyo jadi gilo. Yang nganggur, jadi gilo pas nak nyari gawe yang jelas. Yang begawe, jadi gilo kareno kerjaan yang dak sesuai, dapet bos yang streng, kerjo berat, tapi gajinyo kecik, sampe masalah-masalah kecik yang ternyato pacak jadi penghambat.
Sejak berangkat dari rumah, sudah disuguhi sarana transportasi yang dak keruan lagi bentuknyo. Macet, desek-desekan, itu la jadi makanan sehari-hari.
Pemandangan jugo dak selalu indah di Jakarta. Jingok gedung-gedung tinggi, megah, eh, tetanggonyo kawasan pemukiman kumuh yang-sudahlah rumahnyo reyot, kecik pulok!. Belum lagi masalah banjir, sampah dan sarana-prasarana yang rusak dak terawat, makin membuat manusio-manusi di Jakarta tertekan, stress. Sapo yang dak kuat, kalu dak gilo, ya bunuh diri. Alamak kecian nian.
Nah, HUT Jakarta kali ini berdekatan dengan suksesi gubernur. Pilkada Jakarta bentar lagi. Apo nian gubernur baru pecak bikin kebijakan-kebijakan yang baik untuk ibukota kita tecinta ini. Setiap kebijakan, pastilah ado benturan-benturan dengan kepentingan beberapa pihak, nah, mau dak mereka berkorban untuk pembangunan? Ah, pastinyo mesti ado ganti rugi,lah. Perda larangan merokok di tempat-tempat umum be sudah dak jelas lagi pelaksanaannyo, padahal baru setaon. Ini bukti bahwa peraturan yang bagus jugo dak berarti kalu yang diatur dak galak nurut, padahal demi kepentingan besamo.
Pokoknyo, dengan segalo-galo permasalahan kompleks Jakarta, Selamat Ulang Tahun, lah yeee..
Semoga... (isi deweklah titik-titiknyo).